尋日下午~ 我走去睇急症…..
想像唔到由登記~ 量血壓+探熱~
見姑娘~ 見醫生~ 照X光~ 再見醫生~ 取部份藥~
成個過程~ 1小時搞掂!!
真係好快……

算係咁啦~ 那打素夠偏僻~
加上星期日人少少~
急症病人都唔夠20個~

係我自己一個人去既~
放心~ 我冇大礙……

其實呢個毛病~ 已經持續左個幾月喇~
係我既「雙膝」出左事……

通常人可以「踎」底~
即係雙腳作支點~ 成個人聚落去屈曲雙腳~
但我做呢個動作~ 屈多少少已經好鬼死痛~
膝頭裏面最中間果下痛喎~ 痛到係做唔到呢個動作~

但如果企係度~ 就咁屈腳係完全唔痛喎~
行路都好正常~ 而且之前又冇扭親~
好自然慢慢痛出黎既~

醫生話~ 我雙膝既肌肉、骨頭都冇事~
有可能係關節、「引」帶鬆鬆地既問題~
最後俾左一種止痛藥~ 同埋轉介去骨科~
需要做物理治療~

之後上骨科度排期~ 變左係新症~
竟然要到「8月5日」先有得睇!!!!
超過半年後先做?????? 雙膝都蚊訓啦!! =.=

唯有食住幾日止痛藥先~ (有睡意的~ 一日4粒=.=)
睇下踎唔踎到低~
踎唔到既~ 會再去醫院睇急症食藥……