以往我都有睇港台既不死傳奇~
但上星期六果集~
真係令到我有好大既感受~
仲喊左出黎……

呢日徹徹底底認識黃家駒~
認識Beyond既歌~
首首都好有意思~ 好令人回味~
黃家駒作曲填詞真得好得~
歌喉獨特~ 又關心世界~
唱歌好有感染力~

點解個天要咁快帶走佢??

讀小三上音樂堂果陣~
林老師俾我地派一個出黎獨唱~
當時女班長走出黎~
唱beyond首「真的愛你」~
當時我係度諗「女仔唱?」~
某D音激D個喎~ 但都好順利咁唱~
佢唱得幾好聽~ 完全記得晒歌詞~

讀小四上音樂堂果陣~
由一位勁斯文~ 身子單簿又靚女既miss教我地~
想像唔到佢咁斯文~ 係鐘意beyond!!
佢教我地唱「Amani」!!
當時我好開心~ 上音樂堂可以唱流行曲!!
大家都唱得幾齊心架!! 哈哈!!

咁岩小四呢年……家駒出左事~
我當時係度諗~ miss知道左~
咪好傷心?? 但果陣因為大考~
加上學期完結~ 冇乜點見到佢~
最後一日放學果陣~ 見佢著得勁靚咁經過~
到讀小五果陣~ 佢已經冇係度教了……

我真係好記得6月30日呢一日~
直到現在~ 我都仲記得!!
當日係睇新聞臨尾報道~ 先知呢個消息……
細個既我~ 當時係感到可惜~
真係諗唔到~ 十幾年後既我~
感到既可惜係大左好多~
甚至乎係傷感!!

黃家駒~ 絕對係一位不死既傳奇!!

海闊天空